اسلام آباد (آئی این پی) وزیر مملکت برائے اطلاعات و نشریات مریم اورنگزیب نے وزیر داخلہ چوہدری نثار علی خان کے استعفے کی تردید کرتے ہوئے کہا ہے کہ ان کے استعفے کی خبر بے بنیاد ہے، چوہدری نثار خود پریس کانفرنس میں تفصیل بتائیں گے۔ پیر کو صحافیوں سے گفتگو کرتے ہوئے مریم اورنگزیب نے کہا کہ چوہدری نثار مسلم لیگ(ن) کے بہت اہم رکن ہیں ان کے استعفے کی خبر بے بنیاد ہے۔

وزیر داخلہ چوہدری نثار علی خان خود پریس کانفرنس میں تفصیل بتائیں گے۔اس سے پہلے  نجی ٹی وی رپورٹ میں دعویٰ کیا گیا تھا کہ  چوہدری نثار مسلم لیگ ن سے راہیں جدا کر تحریک انصاف میں شمولیت اختیار کریں گے۔ یہاں یہ بات بھی قابل ذکر ہے کہ چوہدری نثار اور تحریک انصاف کے چیئرمین عمران خان کے درمیان قریبی دوستانہ مراسم سالوں سے قائم ہیں ۔ چند دن قبل کابینہ اجلاس کے بعد وفاقی وزیر داخلہ چوہدری نـثار اور وزیراعظم نواز شریف کے درمیان اختلافات کی خبریں موصول ہو رہی تھیں