اسلام آباد(آن لائن) وزیر داخلہ چوہدری نثار کا انکار،ڈٹ گئے،وفاقی وزیر داخلہ چوہدری نثار علی خان بدھ یا جمعرات کو پریس کانفرنس کریں گے جس میں وہ خود پر کابینہ اجلاس میں اٹھنے والے سوالات کا جواب دیں گے اور جے آئی ٹی رپورٹ کی بعد کی صورتحال پر بات کریں گے، میڈیا رپورٹ کے مطابق وفاقی وزیر داخلہ چوہدری نثار علی خان پریس کانفرنس کریں گے، وزیر داخلہ پریس کانفرنس پر ملکی سیاسی صورتحال پر بات کریں
گے اور کابینہ اجلاس میں خود کے اوپر اٹھنے والے سوالات کا جواب دیں گے، چوہدری نثار پریس کانفرنس میں جے آئی ٹی رپورٹ کے بعد کی ملکی صورتحال پر بھی اپنا موقف پیش کریں گے۔ذرائع کا کہنا ہے کہ اس حوالے سے اہم شخصیات نے چوہدری نثار سے رابطہ کیا ہے اور انہیں پریس کانفرنس سے روکنے کی کوشش کی ہے جس کے جواب میں کہاگیاہے کہ خود پر اٹھنے والے سوالات کا ہر صورت میں جواب دیاجائے گا۔
