اسلام آباد(مانیٹرنگ ڈیسک)بھارت کی جانب سے سیز فائر معاہدے کی خلاف ورزی کرتے ہوئے ایل او سی پر شتعال انگیزیاں جاری ہیں،بھارتی فوج کی جانب سے آزادکشمیر کے ضلع کوٹلی کے علاقے نکیال کے سرحدی گائوں ترکنڈی کی دیہی آبادی کو نشانہ بناتے ہوئے شدید فائرنگ اور گولہ باری کی جا رہی ہے جس کے جواب میں پاک فوج کی جانب سے
بھی جوابی کارروائی کا آغاز کر دیا گیا ہے اور آخری اطلاعات آنے تک پاک فوج کی جوابی کارروائی جاری ہے۔ بتایا جاتا ہے کہ پاک فوج کی کارروائی شروع ہوتے ہی کچھ بھارتی فوجیوں کو چوکیاں چھوڑ کر بھاگتے ہوئے بھی دیکھا گیا ہے۔ بھارتی بلااشتعال فائرنگ کے نتیجے میں تاحال کسی جانی و مالی نقصان کی اطلاعات موصول نہیں ہو سکی ہیں۔
