اسلام آباد (مانیٹرنگ ڈیسک) پاناماکیس، پاک فوج نے جواب دے دیا، معروف سمیع ابراہیم نے نجی ٹی وی چینل پر گفتگو کرتے ہوئے کہاکہ مسلم لیگ (ن) والوں نے آرمی چیف جنرل قمر جاوید باجوہ سے کہاکہ ہمیں سپریم کورٹ سے اس کیس میں ضمانت دلوائی جائے جس کے جواب میں آرمی چیف نے واضح طور پر انکار کرتے ہوئے کہاکہ پاک فوج کا سیاست میں نہ تو آنے کا کوئی ارادہ ہے اور نہ ہی ہم سیاست کا حصہ ہیں۔ آپ ہمیں سیاست میں نہ لے کر آئیں،
سینئر صحافی نے کہاکہ آرمی چیف نے مزید یہ کہا کہ کسی بھی سیاسی مسئلے میں ہم کسی سیاست دان کے ساتھ مقدمہ لڑنے کو تیار نہیں۔ آپ سپریم کورٹ جائیں اور اپنے کیس کا سامناکریں، واضح رہے کہ اس سے پہلے بھی پاناما لیکس آنے کے بعد حکومت کی جانب سے فوج کو اپنی مدد کے لیے پُکارنے کی خبریں گردش کرتی رہی ہیں لیکن اس وقت یہ معلوم نہیں تھا کہ پاک فوج کے سربراہ جنرل قمر جاوید باجوہ نے ان کو کیا جواب دیا تھا۔
