اسلام آباد (این این آئی)پاناما کیس کی جے آئی ٹی کی جانب سے چودھری شوگر ملز کے فراہم کردہ ریکارڈ میں ٹیمپرنگ کے الزام کے معاملے پر ایف آئی اے نے سپریم کورٹ میں رپورٹ جمع کرادی ہے جس میں ایس ای سی پی کے سربراہ ظفرالحق حجازی کو ذمے دارقرار دیا گیا ہے۔ نجی ٹی ٹی وی کے مطابق ایف آئی اے کے قائم مقام ڈی جی کیپٹن(ر)احمد لطیف
کی جانب سے سپریم کورٹ میں رپورٹ جمع کرائی گئی۔رپورٹ کے مطابق سیکورٹیز اینڈ ایکسچینج کمیشن آف پاکستان کے سربراہ ظفرالحق حجازی نے ماتحت افسران پر دباؤ ڈالا۔رپورٹ میں کہا گیا کہ ایس ای سی پی افسران ماہین فاطمہ،علی عظیم اکرام نے غیرقانونی احکامات تسلیم کیے،لہٰذاماہین فاطمہ اورعلی عظیم اکرام کے خلاف محکمانہ کارروائی کی جائے۔
