اسلام آباد(سپیشل رپورٹ)بعض اہم حکومتی شخصیات اور قانونی ماہرین اب بھی وزیر اعظم کو سب اچھا رہے گا کی رپورٹ دیکر تسلیاں دینے میں مصروف ہیں۔ قانونی ماہرین کی طفل تسلیوں پر وزیر اعظم نے مائنس نوازشریف کے بعد کی صورتحال پر تاحال کوئی فیصلہ نہیں کیا۔ایک مقامی روزنامے کے مطابق اہم حکومتی ذرائع سے معلوم ہوا ہے کہ نوازشریف کو اب بھی امید دلائی جارہی ہے کہ حالات بہتر

ہوجائینگے۔یہی وجہ ہے کہ مائنس نوازشریف ہونے کی صورت میں تاحال کسی بھی فیصلے کی طرف نہیں بڑھے۔ذرائع کے مطابق وزیر اعظم کے اردگرد ان کے بعض قریبی رفقا اور بعض قانونی ماہرین اب بھی ان کو سپریم کورٹ کے متوقع فیصلے سے بچنے کی ترغیبوں کے متعلق آگاہ کر رہے ہیں۔