اسلام آباد (آئی این پی) پانامہ لیکس حتمی رپورٹ جمع کرانے میں دو دن رہ گئے‘ جے آئی ٹی ارکان نے سر جوڑ لئے‘ جے آئی ٹی حتمی رپورٹ مرتب کرنے میں مصروف ہیں‘ قطری شہزادے کا جواب آئے یا نہ آئے حتمی رپورٹ جمع کرادی جائے گی۔ تفصیلات کے مطابق جمعہ کو پانامہ لیکس پر سپریم کورٹ میں حتمی رپورٹ جمع کرانے میں دو دن باقی رہ گئے۔جے آئی ٹی حتمی رپورٹ مرتب کرنے میں مصروف ہیں۔ ارکان کو
قطری شہزادے کو جواب کا انتظار ہے۔ اس بات پر جے آئی ٹی ارکان نے اتفاق کیا کہ قطری شہزاد کا جواب آئے یا نہ آئے حتمی رپورٹ جمع کرادی جائے گی۔ جے آئی ٹی نے اس سے پہلے قطری شہزادے حماد بن جاسم کو جواب جمع کرانے کیلئے آخری خط بھیجا تھا۔
ایف سی کی دشت میں کارروائی ، 3دہشت گرد ہلاک، بڑی تعداد میں اسلحہ بارود برآمد
تربت (آئی این پی) ایف سی نے دشت کے علاقے میں کارروائی کرتے ہوئے 3دہشت گردوں کو ہلاک کردیا‘ کارروائی میں بڑی تعداد میں اسلحہ اور بارود برآمد کیا گیا۔ تفصیلات کے مطابق جمعہ کو ایف سی نے دشت کے علاقے میں کارروائی کرتے ہوئے تین دہشت گردوں کو ہ لاک کردیا۔ ایف سی نے کارروائی خفیہ اطلاعات پر کی۔ دوران کارروائی بڑی تعداد میں اسلحہ اور بارود برآمد کرلیا گیا۔ )
ہٹڑی بائی پاس پر کوچ الٹنے سے ڈرائیور جاں بحق ، 14افراد زخمی
حیدر آباد (آئی این پی) ہٹڑی بائی پاس پر کوچ الٹنے سے ڈرائیور جاں بحق جبکہ 14افراد زخمی ہوگئے‘ زخمیوں کو ہسپتال منتقل کردیا گیا۔ تفصیلات کے مطابق جمعہ کو ہٹڑی بائی پاس پر کوچ الٹ گئی۔ حادثے میں ڈرائیور جاں بحق جبکہ چودہ مسافر زخمی ہوگئے۔ ریسکیو اداروں نے موقع پر پہنچ کر زخمیوںکو مقامی ہسپتال منتقل کیا۔
