کوئٹہ (این این آئی ) منان چوک کے قریب فتح خان مارکیٹ کے سامنے پشتونخواملی عوامی پارٹی کے رکن صوبائی اسمبلی منظور کاکڑ کی گاڑی پر فائرنگ معجزانہ طورپر وہ محفوظ رہے گاڑی میں انکے بھائی موجود تھے فائرنگ سے تین افراد زخمی جن کی حالت نازک تبائی جاتی ہے تفصیلات کے مطابق بدھ کی رات کو کوئٹہ کے بارونق اور
کاروبای علاقے جناح روڈ پر واقع حاجی فتح خان مارکیٹ کے سامنے دو مسلح گروہ کے درمیان فائرنگ کا تبادلہ ہوا جس میں رکن صوبائی اسمبلی منظور احمد کاکڑ ،نصیراحمد کاکڑ اور دو افراد شدید زخمی ہوگئے انہیں فوری طورپر ہسپتال پہنچا دیا گیا فائرنگ اس قدر شدید تھی کہ اردگرد کے دکانوں کے مالک اپنی دکانیں کھلی چھوڑکر بھا گ گئے ڈی آئی جی کوئٹہ عبدالرزاق چیمہ نے میڈیا کو بتایاکہ فائرنگ سے8افراد زخمی ہوئے ہیں واقع کے بعد ایف سی اورپولیس موقع پر پہنچ گئی اور علاقے کو گھیرے میں لے لیا پشتونخواملی عوامی پارٹی کے رکن صوبائی اسمبلی منظور کاکڑ نے میڈیا کو بتایاکہ وہ حملے کے وقت گاڑی میں موجود نہیں تھے البتہ انکے بھائی گاڑی میں موجود تھے پولیس نے مقدمہ درج کرکے تحقیقات شروع کردی ہے پولیس ذرائع کے مطابق دنوں گروپوں کے درمیان مارکیٹ کی ملکیت پر کافی عرصے سے تنازع جاری تھا ۔
