لسبیلہ ( آن لائن ) لسبیلہ میں بارشوں کے باعث ندی نالوں میں طغیانی سے 20 گھر سیلابی ریلے کی زد میں آگئے۔ 8 افراد جاں بحق اور ایک شخص لاپتہ ہوگیا۔سیلابی ریلے کی زد میں آنے والے مکان حب کے علاقے دارو ہوٹل کے نالے کے قریب بنائے گئے تھے۔ واقعہ رات تین بجے کے قریب پیش آیا۔سیلابی ریلا 9 افراد کو بہا لے گیا۔ ایدھی ٹیموں نے امدادی کارروائیاں کرتے ہوئے 8 افراد کی لاشیں نکال لیں جبکہ ایک

شخص ابھی تک لاپتہ ہے جس کی تلاش جاری ہے۔جاں بحق افراد کی لاشیں ورثا کے حوالے کرنے کے انتظامات کئے جا رہے ہیں۔ ضلعی انتظامیہ کا کہنا ہے کہ متاثرہ علاقے میں امدادی سرگرمیاں جاری ہیں۔

موضوعات:جاں بحق