کوئٹہ (مانیٹرنگ ڈیسک )کوئٹہ میں پولیس اہلکار کو گاڑی کے نیچے کچل کر ہلاک کرنے والے پختونخواملی عوامی پارٹی کے مرکزی رہنمااوررکن صوبائی اسمبلی مجیداچکزئی کے معاملےپرچیف جسٹس سپریم کورٹ میاں ثاقب نثارنے سوموٹوایکشن لے لیاہے ۔نجی ٹی وی کے مطابق چند روز قبل کوئٹہ کے علاقے جی پی او چوک پر رکن صوبائی اسمبلی مجید اچکزئی کی
گاڑی کی ٹکر سے ٹریفک اہلکار جاں بحق ہو گیا تھا ۔کوئٹہ کے جی پی او چوک پر ٹریفک سارجنٹ سب انسپکٹرحاجی عطااللہ اپنے فرائض انجام دے رہا تھا کہ پیچھے سے آنے والی گاڑی نے اسے کچل ڈالا تھا۔اب چیف جسٹس آف پاکستان میاں ثاقب نثارنے اس معاملے پر از خود نوٹس لے لیا ہے۔واضح رہے کہ مجیداچکزئی گورنربلوچستان کے قریبی عزیزہیں ۔
