اسلام آباد (آن لائن) وزیر اعظم محمد نواز شریف نے پارا چنار دھماکوں کے شہداء کے ورثاء اور زخمیوں کے لئے مالی امداد کا اعلان کرتے ہوئے گورنر خیبرپختونخوا کو رقم کی ادائیگی کی ہدایت کر دی ۔وزیر اعظم سے جاری بیان کے مطابق وزیر اعظم نواز شریف نے پارا چنار میں عید سے چند روز قبل ہونے والے دھماکوں کے شہیدوں کے ورثاء کے لئے فی کس 10‘ 10 لاکھ اور دھماکوں میں زخمی ہونے والوں کے لئے فی کس 5 ‘ 5
لاکھ روپے امداد دینے کا اعلان کر دی اہے ۔ بیان میں بتایا گیا ہے کہ وزیر اعظم کی جانب سے گورنر خیبرپختونخوا اقبال ظفر جھگڑا کو اس سلسلے میں باقاعدہ ہدایت کی گئی ہے کہ وہ یہ امدادی رقم فوری طور پر شہیدوں کے ورثاء اور زخمیوں کو پہنچائیں تاکہ وہ اپنی ضروریات پر پوری کر سکیں ۔
