اسلام آباد(نیوزڈیسک)وزیراعظم کے داماد کیپٹن (ر) صفدر کی جائیداد کی تفصیلات منظر عام پر،اسلام آباد کے ”سستے ترین“پلاٹ کے مالک نکلے،اہلیہ کے مہنگے تحفے کا بھی ذکر، حیرت انگیزانکشافات، تفصیلات کے مطابق وزیراعظم کے داماد کیپٹن(ر) صفدر کے اثاثوں سے متعلق الیکشن کمیشن نے جے آئی ٹی کو تفصیلات سے آگاہ کردیا ہے جس کے مطابق کیپٹن صفدر اسلام آباد میں ایک ”سستے ترین“پلاٹ کے بھی مالک ہیں جس کی قیمت صرف اڑھائی لاکھ روپے ہے

جبکہ مانسہرہ میں پلاٹ کی مالیت 7 لاکھ 86 ہزار روپے ہے۔ 160 کنال زرعی ار اضی بھی ہے لیکن مالیت ظاہر نہیں کی۔الیکشن کمیشن کے مطابق کیپٹن (ر) صفدر نے راجن پور میں 8 مربع اور 15 ایکڑ زمین کی مالیت ظاہر نہیں کی۔ اپنی اہلیہ کو تحفے میں ملنے والی گاڑی کی قیمت 60 لاکھ جبکہ سعودی عرب میں اپنی گاڑی کی قیمت 20 لاکھ روپے ظاہر کی گئی ہے۔کیپٹن (ر)صفدر کے پاس 10 لاکھ روپے مالیت کا سونا جبکہ 40 لاکھ کیش کی صورت میں موجود ہے۔