اسلام آباد (آئی این پی) پاکستان نے افغانستان کے صوبہ ہلمند میں کاربم دھماکے کی شدید الفاظ میں مذمت اور قیمتی جانی نقصان پر گہرے افسوس کااظہارکرتے ہوئے متاثرہ خاندانوں اور افغان حکومت سے تعزیت کا اظہار کیا اور کہاکہ ہم دکھ کی اس گھڑی میں افغان بھائیوں کے ساتھ کھڑے ہیں، زخمیوں کی جلد صحتیابی کیلئے دعا گو ہیں۔جمعرات کو ترجمان دفتر خارجہ نے
اپنے مذمتی بیان میں کہا کہ پاکستان افغانستان کے صوبہ ہلمند میں کار بم دھماکے کی شدید الفاظ میں مذمت کرتا ہے۔ انہوں نے کہاکہ متاثرہ خاندانوں اور افغان حکومت سے تعزیت کا اظہار کرتے ہیں۔ انہوں نے کہاکہ ہر قسم کی دہشت گردی کی مذمت کرتے ہیں۔ زخمیوں کی جلد صحتیابی کیلئے دعا گو ہیں۔ ترجمان دفتر خارجہ نے کہاکہ ہم دکھ کی اس گھڑی میں افغان بھائیوں کے ساتھ کھڑے ہیں۔
