لاہور( این این آئی+مانیٹرنگ )وزیر اعظم محمد نواز شریف اپنے اہل خانہ کے ہمراہ عمرہ کی ادائیگی کیلئےکل کو سعودی عرب روانہ ہوں گے۔ بتایا گیا ہے کہ وزیر اعظم نواز شریف عمرہ کی ادائیگی کے بعد بچوں کے ہمراہ 25جون کو مدینہ منور ہ سے لندن کیلئے روانہ ہو جائیں گے جہاں وہ اپنا چیک اپ بھی کرائیں گے ۔
میڈیا رپورٹس کے مطابق ڈاکٹروں نے وزیر اعظم نواز شریف کو باقاعدہ چیک اپ کرانے کا مشورہ دے رکھا ہےلیکن مصروفیات کے باعث وہ چیک اپ نہ کر اسکے ۔ بتایا گیا ہے کہ وزیر اعظم نواز شریف کا لندن میں چار سے پانچ روز قیام کا شیڈول ترتیب دیا گیا ہے ۔واضح رہے کہ حسین نواز اور وزیر اعظم نواز شریف کے بعد آج شہباز شریف جے آئی ٹی میں پیش ہوئے۔
