اسلام آباد (مانیٹرنگ ڈیسک )آئی سی سی چیمپئنز ٹرافی کی تاریخ کے سب سے بڑے فائنل میچ سے قبل جہاں پوری قوم نہایت جوش میں نظر آرہی ہے وہیں آرمی چیف بھی میدان میں آچکے ہیں۔ انہوں نےپاکستان کے دورے پر آئے لیجنڈری کرکٹر سر ویوین رچرڈ اور آئن چیپل کے اعزاز میں عشائیہ دیا۔ آئی ایس پی آر کے مطابق دونوں لیجنڈز کے
اعزاز میں عشائیہ کا اہتمام راولپنڈی میں واقع آرمی ہائوس میں کیا گیا۔ اس موقع پر آرمی چیف نے سر ویوین رچرڈ اور آئن چیپل کے پاکستان کا دورہ کرنے پر شکریہ ادا کیا اس موقع پر میجر جنرل آصف غفور بھی آرمی چیف کے ہمراہ موجود تھے۔ واضح رہے اس سے قبل آئن چیپل اور سر ویوین رچرڈز نتھیا گلی میں عمران سے بھی ملاقات کی تھی۔
COAS hosted dinner at Army House for cricket legends Sir Vivian Richards and Ian Chappell. Thanked them for visiting Pakistan. pic.twitter.com/ia1bJQ3Iop
— Maj Gen Asif Ghafoor (@OfficialDGISPR) June 16, 2017
