آستانہ/نئی دہلی (آئی این پی )قازقستان کے دارالحکومت آستانہ میں وزیراعظم محمد نوازشریف اور ان کے بھارتی ہم منصب نریندر مودی نے ایک دوسرے کے ساتھ مصافحہ کیا،دونوں رہنماؤں نے ایک دوسرے کی خیریت دریافت کی،مودی نے نوازشریف کی والدہ اور فیملی کا حال بھی پوچھا۔جمعرات کو بھارتی میڈیا کے مطابق نریندر مودی نے نوازشریف کی والدہ اور فیملی کا حال پوچھا ،دونوں رہنماؤں نے ایک دوسرے کی خیریت دریافت کی ۔

واضح رہے کہ نوازشریف اور بھارتی وزیراعظم نریندر مودی شنگھائی تعاون تنظیم کے سربراہی اجلاس میں شرکت کے لئے قازقستان کے دارالحکومت آستانہ پہنچے ہیں ۔ بھارتی وزیرخارجہ سشماسوراج کہہ چکی ہیں کہ پاک بھارت وزرائے اعظم کے درمیان شنگھائی تعاون تنظیم کے سربراہی اجلاس کے موقع پر دوطرفہ ملاقات طے نہیں ہے ۔

موضوعات:شنگھائی تعاون تنظیم