راولپنڈی(آئی این پی )آئی ایس پی آر نے پاک فوج کے ہاتھوں ایل او سی پربھارتی چیک پوسٹوں کی تباہی کی ویڈیو جاری کر دی،ویڈیو میں انڈین پوسٹوں کو نیست ونابود ہوتے صاف دیکھا جا سکتا ہے۔پاک فوج نے دشمن پر کاری وار کرتے ہوئے ایل او سی تتہ پانی سیکٹر پر بھارتی فوج کی گولہ باری کا منہ توڑ جواب دیا۔ آئی ایس پی آر نے پاک آرمی کے ہاتھوں انڈین پوسٹوں
کی تباہی کی ویڈیو بھی جاری کر دی جس میں انڈین پوسٹوں کو نیست ونابود ہوتے صاف دیکھا جا سکتا ہے۔ پاک فوج کے ترجمان میجر جنرل آصف غفورنے کہا ہے کہ یہ بھارتی فوج کی معصوم شہریوں پر گولہ باری کا جواب ہے۔ واضح رہے ایل اوسی تتہ پانی سیکٹر پر پاک فوج کی جوابی کارروائی سے 5 بھارتی فوج مارے گئے تھے جبکہ متعدد زخمی ہوئے تھے۔
