اسلام آباد (مانیٹرنگ ڈیسک)بھارت کی جانب سے ایل او سی پر سیز فائر معاہدے کی ایک بار پھر خلاف ورزی، بٹل، جندروٹ اور تتہ پانی سیکٹرمیں دیہی آبادی پر بلا اشتعال فائرنگ، 3شہری زخمی، پاک فوج کی جوابی کارروائی۔ تفصیلات کے مطابق بھارتی فوج نے ایک بار پھر ایل او سی پر سیز فائر معاہدے کی ایک بار
پھر خلاف ورزی کرتے ہوئے جندروٹ اور تتہ پانی سیکٹرمیں دیہی آبادی پر بلا اشتعال فائرنگ کی ہے جس کے نتیجہ میں 3شہری زخمی ہو گئے ہیں۔ آئی ایس پی آر کے مطابق بھارتی فوج کی جانب سے بلا اشتعال فائرنگ پر پاک فوج نے منہ توڑ جوابدیتے ہوئے بھارتی فائرنگ کا مؤثر جواب دیا ہے۔
