کراچی (آئی این پی ) سندھ حکومت نے قانون کی دھجیاں تو اڑائیں سو اڑائیں عدالتی احکامات بھی پامال کردئیے ، سابق وزیر اعلی کی بیٹی کو جناح اسپتال کے گائنی وارڈ کا انچارج بنادیا گیا ۔ سندھ حکومت میں اقربا پروری عروج پر پہنچ گئی سابق وزیر اعلی سندھ قائم علی شاہ کی بیٹی کیلئے قانون ہے
نہ عدالتی احکامات کی اہمیت ہے ، ڈاکٹر نصرت شاہ جناح اسپتال میں ڈیپوٹیشن پر تعینات تھیں ڈاکٹر نصرت شاہ جناح اسپتال میں گائنی وارڈ کی انچارج مقرر کردیا گیا ۔ ذرائع کے مطابق ڈاکٹر نصرت شاہ کی تعیناتی سے 4 سینئر پروفیسرز کی حق تلفی ہوئی ہے چاروں پروفیسرز نے احتجاجااستعفی دے دیا ہے ۔