راولپنڈی(آئی این پی)بھارتی فوج کی اشتعال انگیزی اور جارحیت کی انتہا، خنجر سیکٹرمیں ایل او سی کی خلاف ورزی کرتے ہوئے کنٹرول لائن کا دورہ کرنے والے اقوام متحدہ کے فوجی مبصر مشن کی گاڑی پر فائرنگ کردی ۔ بدھ کو پاک فوج کے شعبہ تعلقات عامہ (آئی ایس پی آر) کے مطابق بھارت نے ایک بار پھر خنجر سیکٹر میں ایل او سی کی خلاف ورزی کی ۔
بھارتی فوج نے اقوام متحدہ کے فوجی مبصر مشن کی گاڑی پر فائرنگ کردی جس میں اقوام متحدہ کے فوجی مبصر میجر ایما نوئل اور میجر مرکو موجود تھے ۔ اقوام متحدہ فوجی مبصرین کا تعلق فلپائن اور کروشیا سے ہے ۔ قواعد کے مطابق اقوام متحدہ کے فوجی مبصرین کی گاڑی پر نیلا پرچم لہرا رہا تھا ۔ اقوام متحدہ کے مبصرین بھارتی فوج کی فائرنگ سے محفوظ رہے ۔
