کوئٹہ (مانیٹرنگ ڈیسک) کوئٹہ میں مستونگ سڑک کے کنارے بم دھماکہ، مولانا عبد الغفور حیدری کے مطابق دھماکے میں 20 افراد شہید اور درجنوں زخمی ہو گئے۔ تفصیلات کے مطابق نماز جمعہ کے بعد مستونگ میں سڑک کے کنارے نصب بم سے دھماکہ ہوا جس سے20 افراد شہید ہو گئے اور درجنوں زخمی ہو گئے۔ زخمیوں کی حالت انتہائی تشویشناک بتائی جا رہی ہے۔
دھماکے کے وقت سڑک پر سے جمعیت علمائے اسلام (ف) کے مرکزی رہنما مولانا عبد الغفور حیدری کا قافلہ بھی گزر رہا تھا جس میں مولانا عبد الغفور حیدر ی شیشے لگنے سے زخمی بھی ہوئے۔ مولانا عبد الغفور حیدر ی کے مطابق مزید افراد کی شہادت کا خدشہ بھی ظاہر کیا جا رہا ہے۔
