راولپنڈی (مانیٹرنگ ڈیسک) نجی ٹی وی اے آر وائی کی رپورٹ کے مطابق ڈان لیکس سے متعلق ڈی جی آئی ایس پی آر کا ٹوئٹ واپس لے لیا گیا۔آئی ایس پی آر کے مطابق ڈی جی آئی ایس پی آر کا ٹوئٹ واپس لے لیا گیا ، ڈان لیکس سے متعلق ٹوئٹ حکومت یا کسی شخصیت کیخلاف نہیں تھا ، اپریل کا ٹوئٹ کسی شخصیت یاادارے کے خلاف نہیں تھا۔
یاد رہے کہ ڈان لیکس کی رپورٹ آنے کے بعد پاک فوج نے ڈان لیکس کا نوٹی فکیشن مسترد کردیا تھا اور اسے نامکمل قرار دیا گیا تھا۔ڈی جی آئی ایس پی آر میجر جنرل آصف غفور نے سماجی رابطے ویب سائٹ ٹوئٹر پر اپنے پیغام میں کہا تھا کہ وزیر اعظم ہاؤس نے جو نوٹیفکیشن جاری کیا وہ نامکمل ہے، فوج ان سفارشات کومسترد کرتی ہے ساتھ ہی یہ بھی کہا گیا کہ اس حوالے سے جاری کردہ نوٹفیکیشن انکوائری کمیٹی کی رپورٹ کیمطابق نہیں۔
