اسلام آباد (آئی این پی) وزیراعظم محمد نواز شریف نے افغان بارڈر پولیس کی ایف سی اہلکاروں پر فائرنگ کی شدید مذمت کرتے ہوئے کہا ہے کہ مردم شماری کی سکیورٹی پر مامور اہلکاروں پر افغان فورسز کی فائرنگ قابل مذمت ہے‘ ایسے واقعات خطے میں امن اور استحکام کے لئے ہماری کوششوں کے خلاف ہیں‘ ایسے واقعات مستقل طور پر بند کرنے کی ذمہ داری افغان حکومت پر ہے۔

تفصیلات کے مطابق جمعہ کو وزیراعظم نے افغان بارڈر پولیس کی ایف سی اہلکاروں پر فائرنگ کی شدید مذمت کی۔ وزیراعظم نے کہا کہ مردم شماری کی سکیورٹی پر مامور اہلکاروں پر افغان فورسز کی فائرنگ قابل مذمت ہے۔ نواز شریف نے فائرنگ سے سکیورٹی فورسز کے قیمتی جانی نقصان پر اظہار افسوس کرتے ہوئے کہا کہ ایسے واقعات خطے میں امن و استحکام کے لئے ہماری کوششوں کے خلاف ہیں۔

موضوعات:افغان فورسز