چمن (مانیٹرنگ ڈیسک)پاک افغان سرحدی کشیدگی میں اضافہ، پاک فوج کے دستے چمن افغان بارڈر کی جانب روانہ کر دئیے گئے۔ تفصیلات کے مطابق پاک افغان سرحدی کشیدگی میں اضافے کی وجہ سے پاک فوج کے دستے چمن افغان بارڈر کی جانب روانہ کر دئیے گئے ہیں ۔ تازہ اطلاعات کے مطابق افغان فورسز کی فائرنگ سے پاکستان کے چمن بارڈر پر
واقعہ سرحدی گائوں پر فائرنگ اور گولہ باری کے نتیجے میں 7شہری شہید جبکہ ایف سی اہلکاروں سمیت 26افراد زخمی ہو چکے ہیں جبکہ فائرنگ کا سلسلہ تاحال جاری۔ پاک فوج کے چمن بارڈر کی جانب بھیجے جانے والے دستوں میں موبائل ہسپتال شامل ہے جبکہ ہنگامی صورتحال سے نمـٹنے کیلئے پاک فضائیہ کو بھی الرٹ جاری کر دیا گیا ہے۔
