کوہاٹ(مانیٹرنگ ڈیسک)فوجی عدالتوں سے سزا پانے والے کالعدم ٹی ٹی پی کے مزید تین دہشتگردوں کو پھانسی دے دی گئی، دہشتگرد پاک فوج اور سیکیورٹی فورسز پر حملوں میں ملوث تھے۔آئی ایس پی آر کے مطابق فوجی عدالتوں سے سزا یافتہ دہشتگردوں حسن ڈار،عمرزادہ،حضرت علی نے ٹرائل کورٹ میں اپنے جرائم کا اعتراف کیا تھا۔تینوں دہشت گرد سیکیورٹی فورسز پرحملوں اوربم دھماکوں میں ملوث تھے،دہشت گردوں سےاسلحہ اوردھماکاخیز
موادبھی برآمد ہواتھا۔ترجمان پاک فوج کے مطابق دہشت گردحسن ڈارنے ٹرائل کورٹ میں اپنے جرائم کااعتراف کیا،حسن ڈارسکیورٹی فورسز اورشہریوں پرحملوں میں ملوث تھاجن میں پولیس کانسٹیبل بھی مارے گئے۔کالعدم ٹی ٹی پی کاسرگرم کارندہ عمرزادہ بم دھماکوں میں ملوث تھا،تختہ دارپرلٹکائے جانے والےتیسرےدہشت گردحضرت علی نے ٹرائل کورٹ میں عام شہریوں اورسکیورٹی فورسزپرحملوں کااعتراف کیاجس پراسے سزائے موت سنائی گئی تھی۔
