اسلام آباد (آئی این پی) وفاقی وزیرداخلہ چوہدری نثار علی خان نے ڈان لیکس انکوائری کمیٹی کی رپورٹ وزیراعظم نوازشریف کو بھجوا دی،وزیراعظم کی منظوری کے بعد عملدرآمد کیا جائے گا،رپورٹ کی سفارشات پر کمیٹی کے تمام ممبران کا اتفاق رائے ہے۔ وزیرداخلہ چوہدری نثار علی خان نے ڈان لیکس انکوائری کمیٹی کی رپورٹ وزیراعظم کو بھجوا دی ہے ۔،تمام ممبران نے اتفاق رائے سے سفارشات تیا ر کی ہیں،
ڈان لیکس کے حوالے سے یہ رپورٹ ساڑھے چھ ماہ میں مکمل ہوئی۔اس کمیٹی کے بعد اسٹیبلشمنٹ سیکرٹری کی سربراہی میں سب کمیٹی بنائی گئی۔سیکیورٹی سے متعلق خبر افشاں کرنے کے شواہد اور دیگر مواد سمیت تمام ریکارڈ کی سکروٹنی کی گئی۔جسٹس (ر) عامررضا خان کی سربراہی میں قائم کمیٹی میں سیکرٹری اسٹیبلشمنٹ طاہرشہباز،محتسب پنجاب نجم سعید،ڈائریکٹر ایف آئی اے لاہور عثمان انور اور ایم آئی،آئی ایس آئی اور آئی بی کے نمائندے شامل تھے۔
