اسلام آباد(مانیٹرنگ ڈیسک)4دہشتگردوں کو پھانسی دے دی گئی، آئی ایس پی آر نے تصدیق کر دی ۔ آئی ایس پی آر کے مطابق 4خطرناک ترین دہشتگردوں کو آج پھانسی دے دی گئی ہے ۔ ان افراد کو فوجی عدالتوں سے سزائے موت سنائی گئی تھی۔ ان میں رحمان الدین، مشتاق خان، عبیدالرحمان اور ظفر اقبال
شامل ہیں دہشتگردوں کا تعلق کالعدم تحریک طالبان سے ہے۔ یہ دہشتگرد بے گناہ عام افراد کے قتل اور سکیورٹی فورسز پر حملوں میں ملوـث پائے گئے تھے ۔واضح رہے کہ چند روز قبل آرمی چیف جنرل قمر جاوید باجوہ نے 30خطرناک ترین دہشتگردوں کو سزائے موت دینے کے فیصلے کی توثیق کر دی تھی۔
