اسلام آباد (آئی این پی ) مسلم لیگ ن کے رہنما سابق وزیراطلاعات سینیٹر پرویز رشید نے عبدالولی خان یونیورسٹی میں طالب علم کی ہلاکت کا مقدمہ فوجی عدالت میں چلانے کا مطالبہ کردتے ہوئے کہا ہے کہ وفاق،صوبہ اور یونیورسٹی تینوں خود اس میں مدعی بنیں،ریاست کی ذمہ داری ہے کہ شہریوں کی جان و مال کی حفاظت کرے،امن و امان قائم رکھنا صوبے کی ذمہ داری ہے،
یہ واقعہ یونیورسٹی میں سینکڑوں لوگوں کی موجودگی میں دن دیہاڑے ہوا ہے جن لوگوں نے یہ بھیانک اور گھناؤنا جرم کیا ہے انہیں فوجی عدالتوں سے سزادلائی جائے۔ہفتہ کو نجی ٹی وی چینل سے گفتگو کرتے ہوئے پرویز رشید نے کہا کہ جوڈیشل انکوائری کسی ایسے واقع کی کی جاتی ہے جس کے بارے میں یہ معلوم کرنا ہو کہ واقع کی وجوہات کیا ہیں اور پھر ان وجوہات کے ذمہ دار کون لوگ ہیں،یہ واقعہ یونیورسٹی میں سینکڑوں لوگوں کی موجودگی میں دن دیہاڑے ہوا ہے،سب لوگوں نے اپنی آنکھوں سے ایک معصوم اور بے گناہ شخص کو درجنوں لوگوں کے ہاتھوں تشدد کے ذریعے زندگی سے محروم ہوتے ہوئے دیکھا ہے۔انہوں نے کہا کہ اس میں کسی قسم کی انکوائری کی ضرورت نہیں ہے،اس مقدمے کو فی الفور فوجی عدالتوں کے سپرد کرنا چاہیے،وفاق،صوبہ اور یونیورسٹی تینوں خود اس میں مدعی بنیں،ریاست کی ذمہ داری ہے کہ شہریوں کی جان و مال کی حفاظت کرے،امن و امان قائم رکھنا صوبے کی ذمہ داری ہے،فوجی عدالت میں مقدمہ چلایا جائے،جن لوگوں نے یہ بھیانک اور گھناؤنا جرم کیا ہے انہیں فوجی عدالت سے اس طرح سزا دلوائی جائے اور اس قانون کے تحت سزاد دلائی جائے،جو ابھی آئینی ترمیم کے ذریعے ہم نے حاصل کیا ہے۔
