اسلام آباد (این این آئی)وزیر اعظم محمد نواز شریف سے چیف آف آرمی سٹاف جنرل قمر جاوید باجوہ نے وزیر اعظم ہاؤس میں ملاقات کی جس میں پاک فوج کی پیشہ وارانہ تیاریوں سے متعلق امور ٗ ملک کی موجودہ سیکیورٹی اور سرحدی صورتحال کے حوالے سے تبادلہ خیال کیا گیا ۔
چیف آف آرمی سٹاف نے ملک میں جاری رد الفساد کے حوالے سے ہونیوالی پیشرفت بارے بھی وزیر اعظم کو آگاہ کیا وزیر اعظم نے آپریشن رد الفساد کے تحت حاصل ہونیوالی کامیابیوں پر اطمینان کا اظہار کیا اور ملک میں امن کے حصول کے قومی مقصد کی غرض سے مسلح افواج کے کردار اور ان کی بے مثال قربانیوں کو سراہا ۔ذرائع کے مطابق اس موقع پر کلبھوشن یادیو کی سزا اور عذیر بلوچ کے تحویل میں لئے جانے سمیت مختلف معاملات پر تبادلہ خیال کیاگیا اور اہم فیصلے کئے گئے۔
