نئی دہلی(آئی این پی ) بھارت نے کلبھوشن یادیو کو سزائے موت سنائے جانے کے بعد نئی دہلی میں پاکستانی ہائی کمشنر عبدالباسط کو طلب کر لیا تاہم عبدالباسط نے بھارتی سیکرٹری خارجہ کو کھری کھری سناتے ہوئے کہا کہ ایک تو آپ دہشت گردی کریں اور ہمیں بلا کر احتجاج بھی کریں ،دہشت گردوں کو سزا ملنی چاہیے ،کلبھوشن کو سزا دے کر کوئی غلط کام نہیں کیا ۔ پیر کو بھارتی میڈیا کے مطابق فوجی عدالت کی جانب سے
بھارتی جاسوس کلبھوشن یادیو سزائے موت سنائے جانے کے بعد بھارت آگ بگولہ ہوگیا اور نئی دہلی میں تعینات پاکستانی ہائی کمشنر کو وزارت خارجہ طلب کر لیا گیا تاہم اس دوران پاکستانی ہائی کمشنر نے بھارتی سیکرٹری خارجہ کو کھری کھری سناتے ہوئے کہا کہ ایک تو آپ دہشت گردی کریں اور ہمیں بلا کر احتجاج بھی کریں ،دہشت گردوں کو سزا ملنی چاہیے ،کلبھوشن کو سزا دے کر کوئی غلط کام نہیں کیا ۔ دہشتگردی کا خاتمہ کرکے دم لیں گے ۔
