اسلام آباد ( آئی این پی ) ترجمان دفترخارجہ نفیس زکریا نے کہا ہے کہ اسلامک فوجی اتحاد کسی ملک کے خلاف نہیں ہے بلکہ دہشت گردی کے خلاف ہے ، بین الاقوامی طور پر داعش خطرہ بن چکی ہے ، اسلامی افواج کے اتحاد کا مقصد داعش کا خاتمہ ہے ۔ منگل کو نجی ٹی وی پروگرام میں گفتگو کرتے ہوئے نفیس زکریا
نے کہا کہ پاکستان اور دیگر اسلامی ممالک کے اتحاد کا مقصد انسداد دہشت گردی ہے ۔ یہ اتحاد کسی ملک کے خلاف نہیں ہے ۔ داعش بین الاقوامی سطح پر خطرناک تنظیم بن چکی ہے ۔ اس کا خاتمہ ہر صورت ضروری ہے ۔ اور ہم بھی داعش کے خلاف بھرپور اقدامات کرنے کی پالیسی پر عمل پیرا ہیں ۔
