اسلام آباد(آئی این پی)آئی جی سندھ کو ہٹانے پر وفاق اور سندھ حکومت آمنے سامنے آگئے ، آئی جی سندھ نے چارج چھوڑنے سے انکار کردیا ، وہ وفاقی حکومت کے نوٹیفکیشن تک چارج نہیں چھوڑیں گے ۔ نجی ٹی وی کے مطابق ہفتہ کو آئی جی سندھ اے ڈی خواجہ نے اپنا عہدہ چھوڑنے سے انکار کرتے ہوئے کہا ہے کہ
آئی جی سندھ کی تعیناتی براہ راست وفاق کا استحقاق ہے ، سندھ حکومت صرف سفارش کر سکتی ہے ، دوسری طرف سندھ حکومت اے ڈی خواجہ کو عہدے سے ہٹا کر سردارعبدالمجید دستی کو آئی جی سندھ بنا چکی ہے ۔ ذرائع کے مطابق اے ڈی خواجہ کو اسلام آباد کے بااثر حلقوں کی تائیدوحمایت حاصل ہے ۔
