اسلام آباد (این این آئی)حکومت پاکستان نے سعودی عرب کی درخواست پر جنرل(ر) راحیل شریف کوسعودی عسکری اتحادکی سربراہی کی اجازت دیدی ہے ٗ رسمی کارروائی باقی ہے ۔نجی ٹی وی سے گفتگو کرتے ہوئے وزیردفاع خواجہ آصف نے کہا کہ سابق آرمی چیف جنرل (ر) راحیل شریف کو سعودی عسکری اتحاد کی سربراہی کی اجازت کیلئے سعودی حکومت نے
پاکستان سے تحریری اجازت مانگی تھی اور پاکستان نے سعودی حکومت کو تحریری طور پرآگاہ کردیا ہے کہ پاکستان کو معاملے پر کوئی اعتراض نہیں ہے اور اس سے متعلق اب صرف رسمی کارروائی باقی ہے تاہم حکومت کا یہ بھی کہنا ہے کہ اس بارے میں راحیل شریف کیا چاہتے ہیں ؟ یہ ابھی تک سامنے نہیں آیااور نہ ہی ان کی طرف سے کوئی درخواست موصول ہوئی ہے۔یاد رہے کہ سعودی عرب نے مسلم ممالک کی افواج کیلئے سابق آرمی چیف جنرل(ر )راحیل شریف کو قیادت کرنے کی پیشکش کی تھی۔
