نئی دہلی (این این آئی)بھارتی ہیکرز نے مقبوضہ کشمیر کی سب سے بڑی عسکری تنظیم حزب المجاہدین کی ویب سائٹ کو ہیک کر لیا ہے۔ حزب المجاہدین کی ویب سائٹ www.hizbmedia.org کو ہیک کر کے بھارتی ہیکروں نے اس پر حزب المجاہدین کے سپریم کمانڈر اور متحدہ جہاد کونسل کے چیئرمین سید صلاح الدین کو بھارتی فوج کیلئے دعا کرتے ہوئے دکھایا ہے ٗ سید صلاح الدین کی جانب سے پاکستان کے خلاف اور

بھارت کے حق میں جعلی بیان بھی ویب سائٹ پر چسپاں کیا گیا ۔ حزب المجاہدین کے ترجمان سلیم ہاشمی نے ویب سائٹ کو ہیک کرنے پر اپنے ردعمل میں بتایا کہ بھارت مقبوضہ کشمیر میں حزب المجاہدین کی کامیاب عسکری کارروائیوں کو روکنے میں ناکام رہا ہے اور اب وہ بوکھلاہٹ کے عالم میں طرح طرح کے ہتھکنڈے استعمال کر رہا ہے,ہیکروں کی جانب سے ہماری ویب سائٹ کو ہیک کرنے سے ان کے عزائم پورے نہیں ہوں گے۔