لاہور(مانیٹرنگ ڈیسک) لاہور یکے بعد دیگرے دو دھماکوں سے لرز اٹھا ۔ تفصیلات کے مطابق پہلا دھماکہ لاہور میں ڈیفنس زیڈ بلاک مارکیٹ میں دھماکہ۔ دھماکے میں 7 افراد جاں بحق اور درجنوں افراد زخمی ہو گئے۔تفصیلات کے مطابق لاہور کے پوش علاقے ڈیفنس میں زور دار دھماکا ہوا جس کے نتیجے میں 7افراد کے شہید اور درجنوںافراد کے زخمی ہونے کی اطلاع ہے۔ جبکہ اس کے کچھ دیر بعد ہی لاہور میں گلبرگ کے علاقے میں ایک غیر ملکی ریسٹورنٹ کے سامنے دھماکے کی
اطلاعات ملی ہیں جس کے بعد پولیس کی ٹیمیں جائے حادثہ کی جانب روانہ ہو گئی ہیں ۔ دھماکے کے بعد قانون نافذکرنے والے اداروں نے علاقے کو گھیرے میں لے لیا ہے اور پولیس کی مزید نفری طلب کر لی گئی ہے جبکہ سرچ آپریشن کا بھی آغاز کر دیا گیا ہے ۔ دھماکے میں شہید ہونے والے شخص کی شناخت ابھی تک نہیں ہو سکی اور دھماکے کی نوعیت کا تعین کیا جا رہا ہے جبکہ لاہور میں ایمرجنسی نافذ کر دی گئی ہے ۔
