اسلام آباد(مانیٹرنگ ڈیسک)پاکستان تحریک انصاف کے سربراہ عمران خان پاکستان سپر لیگ میچ فکسنگ کے معاملے پر بول پڑے۔ انہوں نے ٹوئٹر پر اپنے ایک ٹوئٹ میں کہاہے کہ’’ الیکشن فکسر نجم سیھٹی اسپاٹ فکسنگ کے خاتمے کی بات کر رہا ہے اور ایسی باتیں کرکٹ کو نقصان پہنچانے کیلئے کی جا رہی ہیں‘‘۔ان کا مزید کہنا تھا الیکشن فکسنگ
جمہوریت کو خطرے میں ڈالنے کیلئے کی گئی جو بہت بڑا جرم ہے۔واضح رہےکہ گزشتہ روز پاکستان سپر لیگ کے چیئرمین نجم سیھٹی کا کہنا تھا کہ پی ایس ایل پاکستان کا اثاثہ ہے اس کو کرپشن کے ہاتھوں تباہ نہیں ہونے دیں گے۔ پی ایس ایل شفافیت ہر صورت یقینی بنائی جائے گی۔
