اسلام آباد(مانیٹرنگ ڈیسک) نجی ٹی وی چینل کے پروگرام میں گفتگو کرتے ہوئے صحافی عامر متین کا کہنا تھا کہ آرمی چیف جنرل قمر جاوید باجوہ اور گورنر سندھ محمد زبیر عمر یونیورسٹی کے زمانے میں ہم جماعت رہ چکے ہیںاور شاید وہ دوست بھی تھے۔ عامر متین نے کہا کہ یہ بات ان کی فیس بک پر لگی ہوئی تصاویر سے معلوم ہوئی ہے۔
گورنر سندھ محمد زبیر عمر جو کہ پاکستان تحریک انصاف کے مرکزی رہنما اسد عمر کے بھائی ہیں وہ راولپنڈی میں ویسٹریج کے ایک تعلیمی ادارے میں پڑھتے رہے ہیں اور اس وقت اسد عمر سر سید سکول راولپنڈی میں پڑھتے تھے۔ عامر متین کا کہنا تھا کہ جنرل قمر جاوید باجوہ اور محمد زبیر عمر کی تصاویر سوشل میڈیا پر دیکھی گئی ہیں۔
