لاہور(آئی این پی)ایوان صدر کیلئے خصوصی سگریٹ کی تیار ی ۔۔۔ تحریک انصاف نے انتہائی اقدام اٹھا لیا , تحریک انصاف نے ایوان صدر کیلئے خصوصی طور پر سگریٹ تیار کیئے جانے کیخلاف اسمبلی میں قرارداد جمع کرادی ۔تفصیلات کے مطابق پاکستان تحریک انصاف کے رکن صوبائی اسمبلی شعیب صدیقی نے پنجاب اسمبلی میں قرارداد پیش کی۔ قرارداد کے مطابق ایوان صدر میں استعمال ہونے والے
سگریٹ پر حکومت پاکستان کی مہر ثبت ہے۔جس پر واضح طور پر لفظ پاکستان لکھا ہوا ہے۔ قرارداد کے مطابق ایوان صدر پاکستان کا اہم اور مقتدر مقام ہے سگریٹ کو جب بھی سلگایا جاتا ہے تو دانستہ یا نا دانستہ طور پر لفظ پاکستان کو سلگایا جاتا ہے قرارداد میں وفاقی حکومت سے مطالبہ کیا ہے کہ ایوان صدر کیلئے خصوصی طور پر تیار کیئے جانے والے سگریٹ سے حکومت پاکستان کی مہر معہ لفظ پاکستان کو اس کی توقیر اور اہمیت کو پیش نظر رکھتے ہوئے ہٹایا جائے۔
