راولپنڈی(مانیٹرنگ ڈیسک) عالم اسلام کیلئے سعودی عرب اس لیے بھی نہایت اہمیت کا حامل ہے کہ مسلمانوں کے مقدس ترین مقامات وہاں موجود ہیں ۔ اس حوالے سے سعودی عرب پر کوئی بھی پریشانی پوری امت مسلمہ کی پریشانی سمجھی جاتی ہے اور وہاں پر حملہ پوری امت مسلمہ پر حملہ ۔ نجی ٹی وی چینل ’’نیو ‘‘کے مطابق
پاک فوج کے سربراہ کے بیان نے عالم اسلام میں خوشی کی نئی لہر دوڑا دی ۔ انہوں نے کہا کہ پاک فوج سعودی عرب کے دفاع کو پاکستان کے دفاع کے برابر سمجھتی ہے ۔ تفصیلات کے مطابق آرمی چیف جنرل قمر جاوید باجوہ سے سعودی سفیر نے آج جی ایچ کیو راولپنڈی میں ملاقات کی ۔جس میں باہمی امور اور دفاع پر بات ہوئی ۔ اس موقع پر جنرل قمر جاوید باجوہ کا کہنا تھا کہ پاک فوج سعودی عرب کے دفاع کو اپنا دفاع سمجھتی ہے۔ملاقات میں آرمی چیف جنرل قمرجاوید باجوہ نے سفیرکو یقین دہانی کرائی کہ پاک فوج سعودی عرب کے دفاع کو پاکستان کے دفاع کے برابر اہمیت دیتی ہے۔
