راولپنڈی(آئی این پی)پاک فوج کا برفباری سے شدید متاثرہ قلات ڈویژن میں بھرپور آپریشن جاری ، چارٹن خوراک،خیمے اور کمبل متاثرہ علاقوں میں تقسیم کر دیئے ۔جمعہ کو پاک فوج کے شعبہ تعلقات عامہ آئی ایس پی آر کے مطابق پاک فوج کی جانب سے برفباری سے متاثرہ قلات ڈویژن میں آپریشن جاری ہے۔
پاک فوج نے چارٹن خوراک،خیمے اور کمبل متاثرہ علاقوں میں تقسیم کیے۔پی ڈی ایم اے اور مقامی انتظامیہ کے اہلکار بھی امدادی سرگرمیوں میں شریک ہیں۔پاک فوج نے حکومت بلوچستان کی درخواست پر دو ایم آئی 17ہیلی کاپٹرز فراہم کردیئے،ہیلی کاپٹروں سے قلات سے خالق آباد اور منگو چر علاقوں میں امدادی کارروائیاں کی جائیں گی۔
