کراچی (آن لائن )آرمی چیف جنرل (ر) راحیل شریف کی ریٹائرمنٹ کے بعد ایم کیو ایم لندن، کراچی میں ایک بار پھر سرگرم ہونے گلی۔متحدہ قومی موومنٹ لندن نے 21جنوری کو کراچی میں جلسہ کرنے اور ریلی نکالنے کا اعلان کر دیاہے جبکہ جلسے سے الطاف حسین خطاب کریں گے۔
ایک نجی ٹی وی سے خصوصی گفتگو کرتے ہوئے ایم کیوایم لندن کے رہنما ندیم نصرت نے کہا کہ الطاف حسین 2013میں بھی پاکستان آنا چاہتے تھے اور پاکستان آنے کی خواہش بھی رکھتے ہیں لیکن ان کی پاکستانی واپسی کے حوالے سے حتمی فیصلہ پارٹی نے کرنا ہے۔
انہوں نے کہا کہ ایم کیوایم لندن 21جنوری کو کراچی میں جلسہ کرنے جارہی ہے جس سے الطاف حسین خطاب کریں گے۔ندیم نصرت کا کہناتھا کہ الطاف حسین 23اگست کے بیان پر معذرت کر چکے ہیں۔