اسلام آباد(مانیٹرنگ ڈیسک) وزیر اعظم نواز شریف اور ان کے بچوں نے پانامہ لیکس کیس میں اپنے وکیل کو تبدیل کر لیا ہے۔ ذرائع کے مطابق وزیر اعظم نواز شریف کے پانامہ لیکس کیس میں وکیل مخدوم علی خان ہوں گے جبکہ حسن نواز اور مریم نواز کے وکیل شاہد حامد ہوں گے۔ سلمان اکرم راجہ حسین نواز شریف کے وکیل ہوں گے۔ واضح رہے کہ 4 جنوری سے سپریم کورٹ میں پانامہ کیس کی سماعت دوبارہ سے شروع ہو رہی ہے جس کیلئے لارجر بنچ تشکیل دیدیا گیا ہے۔ اس لارجر بنچ کی سربراہی جسٹس آصف سعید کھوسہ کریں گے۔

موضوعات:پانامہ لیکس شریف خاندان نواز شریف