اسلام آباد(مانیٹرنگ ڈیسک) نجی ٹی وی چینل کی رپورٹ کے مطابق پاکستان مسلم لیگ (ق) کے سابق سیکرٹری جنرل مشاہد حسین سید کے مسلم لیگ ق چھوڑنے کی افواہیں گردش کرنے لگیں۔ نجی ٹی وی رپورٹ کے مطابق مشاہد حسین سید نے انٹرا پارٹی الیکشن میں بھی حصہ نہیں لیا تھا۔
مشاہد حسین سید کی جگہ طارق چیمہ کو سیکرٹری جنرل پی ایم ایل کیو بنا دیا گیا ہے۔ مسلم لیگ ق کے سیاسی منظر نامے سے مشاہد حسین سید کافی عرصے سے غائب ہیں۔ ذرائع کے مطابق مشاہد حسین سید مسلم لیگ (ن) میں شمولیت اختیار کر سکتے ہیں۔

موضوعات:پاکستان مسلم لیگ ق مشاہد حسین سید