اسلام آباد(مانیٹرنگ ڈیسک) نجی ٹی وی چینل ARY نیوز کے پروگرام میں گفتگو کرتے ہوئے ماہر علم نجوم نے دعویٰ کیا ہے کہ وزیر اعظم نواز شریف کیلئے 2017 ء کا سال نکالنا مشکل ہوگا اور ہو سکتا ہے کہ وہ گھر بھی چلے جائیں، دونوں بھائیوں کیلئے 2017 ء کا سال نقصان دہ ہے۔ ہو سکتا ہے کہ کسی ایک بھائی کو 2017 ء میں خطرناک جسمانی تکلیف لاحق ہو جائے۔
ماہر علم نجوم نے کہا کہ پانامہ لیکس والا معاملہ الماری میں بند ہو جائے گا اور اس کا کچھ نہیں ہونے والا۔ وزیر اعظم نواز شریف کو حکومت بچانے کیلئے کسی ایک شخصیت کی قربانی دینی پڑے گی۔نیا وزیر اعظم نواز شریف کی قریبی شخصیت ہو سکتی ہے۔ ماہر علم نجوم نے کہا کہ میرا علم کہتا ہے کہ میاں نواز شریف اور میاں شہباز شریف میں سے کسی ایک کو شدید تکلیف لاحق ہونے والی ہے۔