اسلام آباد (مانیٹرنگ ڈیسک)صدرممنون حسین نے عوام سے کل نمازاستسقاء اداکرنے کی اپیل کی ہے۔صدرممنون حسین نے قوم سے ایک اپیل میں کہا ہے کہ وہ آ تعالی سے رحمت کی دعا کر یں ور باران رحمت کیلئے کل ملک بھر میں خصوصی طورپر نماز استسقاء ادا کرے۔صدر نے علماء سے کہا کہ وہ خشک سالی کے خاتمے اور باران رحمت کیلئے آ تعالی سے گڑ گڑا کر دعا کریں۔صدر ممنون حسین اسلام آباد میں نماز ظہر کے بعد خود بھی نماز استسقاء کی ادائیگی میں قوم کے ساتھ شامل ہوں گے۔
دوسری جانب محکمہ موسمیات کے مطابق آئندہ 24گھنٹوں کے دوران ملک کے بیشتر علاقوں میں موسم سرد اور خشک رہیگا تاہم پنجاب کے میدانی علاقوں اور بالائی سندھ میں صبح اور رات کے اوقات میں شدید دھند کا امکان ہے۔ محکمہ موسمیات کی رپورٹ کے مطابق گزشتہ 24 گھنٹوں کے دوران ملک کے بیشتر علاقوں میں موسم سرد اور خشک رہا ہے جبکہ پنجاب کے میدانی اور بالائی سندھ کے بعض علاقے دھند کی لپیٹ میں رہے۔ اتوار کو کم سے کم درجہ حرارت کی رپورٹ کے مطابق سکردو اور گوپس میں درجہ حرارت منفی07 ڈگری سینٹی گریڈ ، قلات میں منفی06، استور ، ہنزہ مین منفی05، کوئٹہ ، دیر، کالام میں منفی 04، گلگت ،بگروٹ میں منفی 03، لوئیر دیر راولاکوٹ مین منفی 02 اور مالم جبہ میں منفی ایک ڈگری سینٹی گریڈ ریکارڈ کیا گیا ہے۔