اسلام آباد(مانیٹرنگ ڈیسک) عوامی مسلم لیگ کے سربراہ شیخ رشید احمد کے ماضی کا ایک وڈیو پروگرام کلپ سوشل میڈیا پر وائرل ہو گیا۔ تفصیل کے مطابق شیخ رشید احمد نے ماضی میں نیوز ون کے ٹی وی پروگرام میں ڈاکٹر شاہد مسعود سے گفتگو کرتے ہوئے انکشاف کیا تھا کہ اعتزاز احسن نواز شریف کو نہیں جانتے، نواز شریف بندے سے صلح کرکے اسے مارتا ہے۔ میں اس وقت وزیر تھا جب ایک واقعہ ہوا ۔ نواز شریف نے فیصلہ کیا تھا کہ اعتزاز احسن کو ’بُجی‘ مار دی جائے۔ نواز شریف نے پولیس کو حکم کو جاری کیا تھا کہ اعتزاز احسن کو بوری میں بند کرکے مارو۔ اس وقت میں نے اور چوہدری نثار نے نواز شریف کو سمجھایا تھا کہ ایسا نہ کریں۔شیخ رشید نے کہا کہ میں یہ بات خدا کو گواہ بنا کے کہتا ہوں۔