اسلام آباد(مانیٹرنگ ڈیسک) وزیر اعظم میاں نواز شریف کے دورہ بلوچستان کے موقع پر ان کے ایک وقت کے کھانے کا تخمینہ 34 لاکھ 25 ہزار روپے بننے کا انکشاف ہوا ہے۔ تفصیلات کے مطابق سوشل میڈیا پر وائرل ایک اہم دستاویز کے مطابق وزیر اعظم نواز شریف اور ان کے ساتھ موجود دیگر اہم سرکاری شخصیات کے معروف ہوٹل سیرینا میں ایک وقت کے کھانے کا مجموعی تخمینہ 34 لاکھ 25 ہزار روپے بنایا گیا ہے۔ سیرینا ہوٹل کی جانب سے جاری کیا جانیوالا تخمینہ اکبر حسین درانی، سیکرٹری خزانہ ، حکومت بلوچستان کے نام ہے جس میں وزیر اعظم نواز شریف کی دیگر ساتھیوں کے ہمراہ سیرینا ہوٹل میں کھانا کھانے اور کیٹرنگ وغیرہ کے تخمینہ کی تفصیل موجود ہے۔