اسلام آباد(مانیٹرنگ ڈیسک) پی آئی اے کے حادثے کے شکار طیارے میں 20 منٹ پہلے سفر کرنے والے مسافر چترال کے وکیل وقاص احمد نے ایک نجی ٹی وی سے گفتگو کرتے ہوئے کہا کہ جو طیارہ حادثے کا شکار ہوا تھا میں بیس منٹ پہلے اسی طیارے سے سفر کرکے چترال پہنچا تھا اور دوران پرواز طیارے میں ہلکے سے دھماکے کی آواز سنائی دی گئی تھی ۔ دھماکے کی آواز کے بعد طیارے میں ارتعاش پیدا ہو گیا اور ہم نے رن وے پر اس طرح لینڈنگ کی جیسے طیارے کو آسمان سے زمین پر پھینک دیا گیا ہو۔ چترال کے وکیل وقاص نے اسی جہاز میں 20 منٹ قبل پشاور سے چترال سفر کیا تھا اور وہ چترال پہنچے جس کے بیس منٹ بعد ہی وہ طیارہ اسلام آباد کے لئے روانہ ہو گیا تھا۔