اسلام آباد(مانیٹرنگ ڈیسک) نجی ٹی وی چینل ARYکی رپورٹ کے مطابق پشین کے سرکاری ریسٹ ہاؤس میں وزیر اعظم کی آمد اور ان کے ایک رات کے قیام پر 60 لاکھ روپے سے زائد کے اخراجات ہو گئے۔ رپورٹ کے مطابق وزیر اعظم نواز شریف نے پشین کا ایک روزہ دورہ کرنا ہے جہاں وہ قبائلی عمائدین سے ملاقاتیں کریں گے اور اس دورے پر پشین کے سرکاری ریسٹ ہاؤس کی تزئین و آرائش کی مد میں 60 لاکھ روپے سے زائد کے اخراجات ہو گئے ہیں۔ 60 لاکھ روپے سے زائد رقم ریسٹ ہاؤس کی تزئین و آرائش، فرنیچر اور دیگر سامان پر خرچ کی گئی ہے۔

موضوعات:60 لاکھ روپے نواز شریف