کراچی (مانیٹرنگ ڈیسک)با کمال لوگ، لاجواب سروس۔۔ پاکستان انٹر نیشنل ایئر لائن (پی آئی اے) نے قابل استعمالA 310 طیارہ محض 53 لاکھ روپے میں فروخت کرنے کا فیصلہ کر لیا ہے ۔ تفصیلات کے مطابق گزشتہ روز حویلیاں میں پی آئی اے کے اے ٹی آر طیارے کو پیش آنے والے حادثے کے بعد کمپنی کی انتظامیہ نے اچانک ایک ہنگامی فیصلہ کیا ہے۔ کمپنی نے قابل استعمال اے 310 طیارہ صرف 53 لاکھ روپے کی قلیل رقم میں فروخت کرنے کا فیصلہ کیا ہے جبکہ طیارے کی مالیت کروڑوں میں ہے۔ واضح رہے کہ فروخت کیا جانے والا اے 310 وہی طیارہ ہے جو گزشتہ ماہ ایک متنازعہ فلم کیلئے استعمال کیا گیا تھا اور اس کی شوٹنگ مالٹا میں ہوئی تھی۔